Адрас:
223311, Мінская вобл.,
г.Беразіно, вул. Кастрычніцкая, 18
Тэлефон:+375 (1715) 5-58-41

 

08.07.2019 11:16

У "Вялікім камені" разлічваюць на з'яўленне першых праектаў у бондавай зоне ўжо ў 2019 годзе

У Кітайска-беларускім індустрыяльным парку "Вялікі камень" разлічваюць, што першыя працуючыя ў бондавай зоне праекты з'явяцца ўжо ў 2019 годзе. Аб гэтым 7 ліпеня ў праграме "Галоўны эфір" на тэлеканале "Беларусь 1" заявіў кіраўнік адміністрацыі парка Аляксандр Ярашэнка, паведамляе БЕЛТА.

Бондавая зона істотным чынам спрашчае мытныя працэдуры. Гэта кітайскі вопыт, які ў "Вялікім камені" разам з іншымі перадавымі практыкамі стараюцца максімальна хутка і эфектыўна ўкараняць. Паводле слоў Аляксандра Ярашэнкі, некаторыя прадпрыемствы з дапамогай адміністрацыі парка актыўна прапрацоўваюць гэты напрамак. Ён выказаў надзею, што першыя праекты, працуючыя ў бондавай зоне, будуць ужо ў бягучым годзе.

"Гэта першы вопыт, якога няма пакуль ні ў каго ў Беларусі. Мы хочам гэту канкурэнтную перавагу максімальна выкарыстаць", - дадаў ён.

Аляксандр Ярашэнка адзначыў, што ў рэгіёне і ва ўсім свеце ідзе вельмі жорсткая канкурэнтная барацьба з прыцягненнем інвестыцый. У "Вялікім камені" імкнуцца максімальна ўлічваць гэту акалічнасць і ўводзіць новыя магчымасці для інвестараў.

9 разоў (а)