Каля краязнаўчага музея разгорнецца так званы Горад майстроў: выстава вырабаў, створаных у тэхніцы халоднага кавання. Таксама ў гэтай лакацыі размесцяць «Кірмаш рамёстваў», дзе будуць прадстаўлены вырабы прыкладной творчасці.
На працягу дня ўдзельнікі і госці фестывалю змогуць ацаніць музычныя і сцэнічныя выступленні калектываў вобласці, наведаць выставу караваеў і многія іншыя тэматычныя пляцоўкі.
Для самых маленькіх наведвальнікаў будзе працаваць дзіцячая зона. А каля другой школы ўладкуюць спартыўную пляцоўку для жадаючых паспаборнічаць у лазертаге, корфболе, міні-гольфе і іншых відах спорту.
На «Дажынках» госці змогуць спалучаць прыемнае з карысным: не толькі забаўляцца, але і закупляць патрэбныя тавары. Так, 10 прадпрыемстваў ГА «Упраўленне бытавога абслугоўвання насельніцтва» прапануюць на форуме прадукцыю ўласнай вытворчасці.
А недалёка ад Дома побыту размесціцца палатка, дзе будуць працаваць майстры цырульніцкага мастацтва. Пры жаданні госці свята змогуць пастрыгчыся і зрабіць модную прычоску.
Па гусце прыйдуцца «Дажынкі» і шматлікім фудхантэрам. Адну з гандлёвых пляцовак адвядуць пад стрытфуд.
- У частцы забеспячэння грамадскага харчавання пастараліся прамысловыя прадпрыемствы, арганізацыі мяса-малочнага профілю, камітэта сельскай гаспадаркі, рыбгасы і многія іншыя. На тэматычнай пляцоўцы, размешчанай недалёка ад музея, прадставяць максімальную разнастайнасць вулічнай ежы. Там размесцяцца фуд-тракі. Кліент убачыць працэс прыгатавання сваімі вачыма. У адной з кропак прапануюць стравы з морапрадуктаў. На дзіцячай пляцоўцы разам з атракцыёнамі для дзяцей запрацуюць кропкі па продажы прысмакаў, папкорна, марожанага. Акрамя таго, плануецца правядзенне разнастайных конкурсаў і розыгрышы латарэй. Пастараемся арганізаваць святочную і ўтульную атмасферу, — распавяла начальнік галоўнага ўпраўлення гандлю і паслуг аблвыканкама Таццяна Шаўцова.
Завершацца ж «Дажынкі» канцэртам зорак беларускай і расійскай эстрады. Кульмінацыяй свята стане маляўнічы салют, пачатак якога намечаны на 21.00.
