Прапанаваны матэрыял дапаможа грамадзянам праверыць правільнасць прымянення падатковых вылікаў пры вылічэнні і выплаце падаходнага падатку.
Нагадаем, што ў адпаведнасці з главой 18 Падатковага кодэкса Рэспублікі Беларусь плацельшчык пры вылічэнні падаходнага падатку мае права зменшыць свой падаткаабкладаемы даход на суму стандартных, сацыяльных і маёмасных падатковых вылікаў. Пры гэтым стаўка падаходнага падатку ў адносiнах да падаткаабкладаемых даходаў, атрыманых фізічнымі асобамі, ўстаноўлена ў памеры 13 працэнтаў.
Разгледзім падрабязней, каму, у якіх памерах і пры наяўнасці якіх падстаў прадастаўляюцца стандартныя падатковыя вылікі ў 2020 годзе ў сувязі з уступленнем у сілу нормаў Указа Прэзідэнта Рэспублікі Беларусь ад 31.12.2019 № 503 «Аб падаткаабкладанні», у дадатку 10 да якога прыведзены праіндэксаваныя памеры прымяняемых ў цяперашні час такіх вылікаў па падаходным падатку, а таксама катэгорыі плацельшчыкаў, у дачыненні да якіх прымяняюцца сацыяльныя і маёмасныя падатковыя вылікі.
1. Стандартныя падатковыя вылікі прадастаўляе плацельшчыку наймальнік па месцы яго асноўнай работы (службы, вучобы), а пры адсутнасці месца асноўнай працы - падатковы агент (арганізацыя ці індывідуальны прадпрымальнік, ад якіх грамадзянін атрымаў даходы). Пры гэтым стандартныя падатковыя вылікі могуць выдзяляцца плацельшчыку, у якога адсутнічае месца асноўнай работы (службы, вучобы), па яго выбары толькі адным падатковым агентам.
Стандартныя вылікі могуць выдзяляцца і падатковым органам, але толькі ў дачыненні да пэўных відаў даходаў, пералічаных у пункце 1 артыкула 219 Падатковага кодэкса Рэспублікі Беларусь, пасля заканчэння каляндарнага года пры падачы грамадзянінам у падатковую інспекцыю адпаведнай падатковай дэкларацыі (разліку).
Падставай для атрымання грамадзянінам стандартных падатковых вылікаў з'яўляюцца: дакументы, якія пацвярджаюць наяўнасць дзіцяці ва ўзросце да 18 гадоў; даведка, якая пацвярджае, што дзіця старэйшае за 18 гадоў атрымлівае адукацыю ў дзённай форме; копіі пасведчання інваліда і іншых дакументаў, якія з'яўляюцца падставай для атрымання выліку, а таксама дакументаў, якія пацвярджаюць блізкае сваяцтва.
Памеры стандартных падатковых вылікаў ў 2020-м годзе складаюць:
- 117 рублёў у месяц пры атрыманнi плацельшчыкам падаткаабкладаемага даходу, памер якога не перавышае 709 рублёў у месяц;
- 34 рублi ў месяц на дзіця да 18 гадоў і (або) кожнага ўтрыманца;
- 65 рублёў у месяц ўдаве (удаўцу), адзiнокаму бацьку, прыёмнага бацьку, апекуну цi папячыцелю на кожнае дзіця да 18 гадоў і (або) кожнага ўтрыманца;
- 65 рублёў у месяц бацькам, якiя маюць двух i больш дзяцей ва ўзросце да 18 гадоў або дзяцей-інвалідаў ва ўзросце да 18 гадоў, - на кожнага дзіцяці;
- 165 рублёў у месяц інвалідам I і II груп, інвалідам з дзяцінства, дзецям-інвалідам ва ўзросце да васемнаццацi гадоў, асобным катэгорыям «чарнобыльцаў», Героям Савецкага Саюза і Сацыялістычнай Працы, Героям Беларусі, поўным кавалерам ордэнаў Славы, Працоўнай Славы , Айчыны, удзельнікам Вялікай Айчыннай вайны, а таксама асобам, якія маюць права на льготнае падаткаабкладанне ў адпаведнасцi з Законам Рэспублікі Беларусь ад 17.04.1992 «Аб ветэранах».
2. Сацыяльныя падатковыя вылікі прадастаўляюцца работніку ў тым выпадку, калі ён нясе выдаткі, звязаныя з навучаннем, добраахвотным страхаваннем жыцця і дадатковай пенсіі, добраахвотным страхаваннем медыцынскіх выдаткаў. Для атрымання сацыяльнага выліку падатковаму агенту неабходна прадставіць даведку з навучальнай установы і копіі дакументаў, якія пацвярджаюць кошт навучання, копію дагавора страхавання.
Вылікi на навучанне і страхаванне прадастаўляюцца таксама ў дачыненні да расходаў плацельшчыка, звязаных з навучаннем і (або) страхаваннем не толькі сябе, але і асоб, якія стаяць з ім у адносінах блізкага сваяцтва, а калі ён з'яўляецца апекуном (папячыцелем) - яго падапечных (у тым ліку былых падапечных, якія дасягнулі 18-гадовага ўзросту). Пры гэтым сацыяльны вылік па сумах, выплачаных (пакрытым) плацельшчыкам па дагаворах страхавання, прадастаўляецца яму пры ўмове, што такія дамовы ў інтарэсах вышэйзгаданых асобаў заключаны са страхавой арганізацыяй плацельшчыкам.
3. Маёмасны падатковы вылiк прадастаўляецца плацельшчыкам, якія ажыццяўляюць будаўніцтва, у тым ліку шляхам набыцця жыллёвых аблігацый, або набыццё жылля на тэрыторыі Рэспублікі Беларусь, а таксама выплатнае адчужэнне нерухомай маёмасці.
Маёмасны падатковы вылiк прадастаўляецца плацельшчыку і членам яго сям'і, якія стаяць на ўліку для паляпшэння жыллёвых умоў, на падставе копій дакументаў, якія пацвярджаюць выдаткі на будаўніцтва або куплю жылля альбо дакументаў, якія пацвярджаюць выдаткі на набыццё адчужальнай маёмасці.
Дадаткова інфармуем, што для зручнасці карыстальнікаў на галоўнай старонцы інтэрнэт-сайта Міністэрства па падатках і зборах Рэспублікі Беларусь http://www.nalog.gov .by ў раздзеле «Электронныя сэрвісы» распрацаваны і функцыянуе сэрвіс «Падатковы калькулятар», які дазваляе самому карыстачу разлічыць памер выплачваемага ім падаходнага падатку і праверыць правільнасць ўтрымання і пералічэння ў бюджэт падаходнага падатку падатковым агентам.
Аддзел інфармацыйна-растлумачальнай працы інспекцыі Міністэрства па падатках і зборах
Рэспублікі Беларусь па Барысаўскім раёне.