У мэтах папярэджання пажараў на аб'ектах нарыхтоўкі, перапрацоўкі і захоўвання грубых кармоў, а таксама на сельскагаспадарчай тэхніцы, якая прыцягваецца для правядзення гэтых работ варта нагадаць асноўныя патрабаванні пажарнай бяспекі:
пры нарыхтоўцы грубых кармоў не дапускаюцца ўезд і эксплуатацыя аўтамабільных транспартных сродкаў, самаходных машын, механізмаў, абсталяваных рухавіком унутранага згарання, без іскрагасіцеляў (за выключэннем аўтамабільных транспартных сродкаў, самаходных машын, механізмаў, абсталяваных убудаванай штатнай сістэмай іскрагашэння);
кіроўца аўтамабільнага транспартнага сродку з рухавіком унутранага згарання, павінен своечасова чысціць паверхню рухавіка, калектара, выхлапной трубы, іскрагасіцеля ад пылу, нагара;
прымяненне агню для выпальвання пылу не дапускаецца;
склады грубых кармоў на тэрыторыі вытворча-гаспадарчага комплексу неабходна размяшчаць на спецыяльна адведзенай пляцоўцы;
парывы паміж асобнымі штабелямі, навесамі або сціртамi павінны быць не менш за 20 метраў;
штабелі, навесы і сцірты дапускаецца размяшчаць парамі, пры гэтым парывы паміж імі ў адной пары павінны складаць не менш за 6 метраў, паміж суседнімі парамі - не менш за 30 метраў. У разрывах паміж двума парамі скiрд павінна быць пропахана паласа шырынёй не менш 4 метраў.
Адлегласць ад скiрд, падстрэшкаў і штабялёў грубых кармоў да лініі электраперадачы павінна быць не менш за 15 метраў, да дарог – 20 метраў, да будынкаў, збудаванняў - не менш за 50 метраў, да межаў ляснога масіва - не менш за 100 метраў;
працэс складзіравання грубых кармоў павінен суправаджацца правядзеннем замераў тэмпературна-вiльготных паказчыкаў. Не дапускаецца складаваць, укладваць у сцірты, штабелі, склады грубыя кармы з павышанай вільготнасцю.
Акрамя выканання апісаных патрабаванняў правілаў пажарнай бяспекі, кіраўнікам і службовым асобам сельгаспрадпрыемстваў варта звярнуць увагу на абмежаванне доступу старонніх асоб у сенасклады і сенасховішчы.
Захаванне нарыхтаваных кармоў ад пажару залежыць ад свядомага і адказнага падыходу да дадзенага пытання і захавання патрабаванняў пажарнай бяспекі.
Аляксандр Лагун, першы намеснік начальніка Бярэзінскага РАНС