Попыт, як вядома, нараджае прапанову. А з улікам таго, што нацыянальным заканадаўствам прадастаўлена права ажыццяўляць такую дзейнасць без неабходнасці рэгістравацца ў якасці суб'екта прадпрымальніцкай дзейнасці, нагадваем будучым рэпетытарам неабходныя дзеянні, якія ім трэба здзейсніць да пачатку ажыццяўлення такой дзейнасці.
I. Паняцце рэпетытарства.
Для мэт падаткаабкладання пад рэпетытарствам разумеюцца кансультатыўныя паслугі па асобных вучэбных прадметах і дысцыплінах, адукацыйным абласцях, тэмах. Дапамога ў падрыхтоўцы да цэнтралiзаванага тэсцiравання таксама будзе з'яўляцца рэпетытарствам. Задача рэпетытара - дапамагчы лепш разабрацца ў вывучаемым прадмеце, але не навучыць новай дысцыпліне.
Калі ж адбываецца навучанне вучняў новым ведам, уменням, навыкам, развіццё іх творчых здольнасцяў, то такая дзейнасць падпадае пад паняцце «навучанне» і да рэпетытарства не адносіцца. Акрамя таго, да рэпетытарства не адносяцца:
- дзейнасць па напісанні кантрольных, курсавых і дыпломных работ;
- дзейнасць па прадастаўленні індывідуальных паслуг, што аказваюцца настаўнікам-дэфектолагам, настаўнікам-лагапедам, алігафрэнапедагогам, цiфлапедагогам, сурдапедагогам;
- дзейнасць па навучанні дарослых нанясенню макіяжу.
Адпаведна для іх ажыццяўлення неабходна зарэгістравацца ў якасці індывідуальнага прадпрымальніка.
II. Да пачатку ажыццяўлення дзейнасці рэпетытар выплачвае адзіны падатак. Для гэтага яму неабходна:
- Падаць пісьмовае паведамленне ў любую падатковую інспекцыю або апавяшчэнне праз асабісты кабінет плацельшчыка з указаннем віду дзейнасці (рэпетытарства), перыяду і месца яго ажыццяўлення.
- Пры наяўнасцi права на льготы (напрыклад, грамадзянін з'яўляецца пенсіянерам па ўзросту, інвалідам, бацькам у шматдзетнай сям'і, бацькам дзіцяці-інваліда ва ўзросце да васемнаццацi гадоў) у падатковы орган трэба прадставіць дакументы, якія пацвярджаюць такое права, адпаведна стаўка адзінага падатку будзе зніжана на дваццаць адсоткаў. Для асоб, якія маюць права на льготу адначасова па некалькіх падставах, адзіны падатак зніжаецца на сорак пяць працэнтаў. Для бацькоў - інвалідаў I і II групы, якія выхоўваюць непаўналетняе дзіцяці і (або) дзіцяці, якое навучаецца на дзённай форме атрымання адукацыі, памер льготы складае сто адсоткаў.
- На падставе прадстаўленага апавяшчэння падатковы інспектар палічыць адзіны падатак зыходзячы са ставак падатку, устаноўленых у населеным пункце, у якім будзе ажыццяўляцца дзейнасць. У прыватнасці, у Бярэзінскім раёне стаўка адзінага падатку для рэпетытараў, не зарэгістраваных ў якасці ІП, ўстаноўлена ў памеры 24,00 бел. руб. у месяц, а для рэпетытараў, якія аказваюць паслугі ў верасні бягучага года, стаўка адзінага падатку зменшана ў 2 разы.
- Выплачваюць адзіны падатак толькі за тыя месяцы, у якіх будзе ажыццяўляцца дзейнасць.
- Рэпетытарскія паслугі грамадзяне маюць права ажыццяўляць толькі самастойна, без прыцягнення іншых фізічных асоб па працоўных і (або) грамадзянска-прававых дагаворах.
- Дзеючым заканадаўствам не прадугледжаны абмежаванні па колькасці вучняў, а таксама па спосабам ажыццяўлення названай дзейнасці, ўключаючы аказанне паслуг рэпетытара ў дыстанцыйнай форме.
- Весці ўлік атрыманых даходаў, складаць i прадстаўляць справаздачнасць у падатковы орган, набываць і весці кнігу ўліку праверак рэпетытару не трэба.
Як відаць з прыведзенага алгарытму, працаваць рэпетытарам легальна і без рэгістрацыі ў якасці індывідуальнага прадпрымальніка вельмі проста. У той жа час нагадваем, што калі будзе ўстаноўлена ажыццяўленне грамадзянінам дзейнасці без выплаты адзінага падатку, яго абавяжуць выплаціць падатак па дзеючай стаўцы. Пры здзяйсненні падобнага парушэння паўторна падатак прыйдзецца выплаціць у пяцікратным памеры.
Больш падрабязна з інфармацыяй аб парадку ажыццяўлення грамадзянамі дзейнасці па заяўным прынцыпе без дзяржаўнай рэгістрацыі ў якасці індывідуальнага прадпрымальніка можна азнаёміцца на афіцыйным інтэрнэт-сайце Міністэрства па падатках і зборах Рэспублікі Беларусь http://www.nalog.gov.by ў раздзеле «Падаткаабкладанне фізічных асоб» і па тэлефоне кантакт-цэнтра падатковых органаў - 189.
Аддзел інфармацыйна-растлумачальнай працы інспекцыі Міністэрства па падатках і зборах
Рэспублікі Беларусь па Барысаўскім раёне.