Вызначана, што тэрмін абавязковага падключэння да сістэмы кантролю касавага абсталявання (СККА) касавага абсталявання індывідуальных прадпрымальнікаў (ІП) (за выключэннем ІП, якія ажыццяўляюць гандаль на аўтазаправачных станцыях нафтапрадуктамі, звадкаванымi вуглевадароднымі газамі і прыродным паліўным кампрыміраваным газам, іншымі таварамі і аказваюць на аўтазаправачных станцыях паслугі; дзейнасць па перавозцы пасажыраў аўтамабілямі-таксі; продаж тавараў у гандлёвым аб'екце з гандлёвай плошчай 650 кв. метраў і больш) наступае 1 снежня 2020 года.
Ва ўмовах існуючай разнастайнасці мадэляў праграмных кас падстаў для пераносу (падаўжэння) тэрмінаў падлучэння да СККА няма. ІП варта загадзя паклапаціцца аб усталяванні на касавыя падсумоўваючыя апараты сродкаў кантролю падатковых органаў. А вось ІП, якія не забяспечаць падключэнне касавага абсталявання да СККА ў прыведзены тэрмін, будуць абавязаны спыніць сваю дзейнасць. Пры ўстанаўленні фактаў выкарыстання касавага абсталявання без сродку кантролю падатковых органаў пасля заканчэння тэрміну ўстаноўкі такія суб'екты будуць прыцягвацца да адміністрацыйнай адказнасці.
Улічваючы колькасць ІП, якія яшчэ не падлучаныя да СККА, можа скласціся сітуацыя, што 1 снежня аднамомантавае падключэнне да СККА касавага абсталявання ўсіх жадаючых будзе немагчыма, таму РУП «Інфармацыйна-выдавецкі цэнтр па падатках і зборах» зацверджаны графікі падключэння. Аднак назіраецца не толькі запаволенне тэмпаў падлучэння, але і парушэнне зацверджаных графікаў падключэння. У сувязі з гэтым касавае абсталяванне невыконваючых графік суб'ектаў гаспадарання будзе падлучацца да СККА ў апошнюю чаргу, па меры вызвалення спецыялістаў.
З улікам выкладзенага, яшчэ раз нагадваем ІП аб неабходнасці своечасовага падлучэння касавага абсталявання да СККА і захавання графікаў падлучэння, а таксама аб наяўнасці магчымасці выкарыстання праграмных кас ці касавых падсумоўваючых апаратаў. Інфармацыя пра аператараў праграмных касавых сістэм, праграмных касавых сістэмах і праграмных касах размешчана на афіцыйным сайце РУП «Інфармацыйна-выдавецкі цэнтр па падатках і зборах» . Звесткі аб мадэлях (мадыфікацыях) касавых падсумоўваючых апаратаў і спецыяльных камп'ютэрных сістэм, якія выкарыстоўваюцца на тэрыторыі Рэспублікі Беларусь, утрымліваюцца на афіцыйным сайце Дзяржаўнага камітэта па стандартызацыі Рэспублікі Беларусь.
Інфармацыя аб парадку падлучэння да СККА размешчана на афіцыйным сайце РУП «Інфармацыйна-выдавец-скі цэнтр па падатках і зборах» .
Інспекцыя Міністэрства па падатках і зборах Рэспублікі Беларусь па Барысаўскім раёне