"У Палачанах на аб'екце ідуць пусканаладачныя работы, у Лебедзева і Радашковічах працягваецца праектаванне. Будаўніцтва вядзецца за кошт уласных сродкаў прадпрыемства", - сказаў Валерый Мельнік.
Усяго на дадзены момант у раёне налічваецца дзевяць станцый абезжалезвання. Дзве з іх знаходзяцца ў Маладзечне. Па словах намесніка дырэктара водаканала, цэнтральнае гарадское водазабеспячэнне забяспечвае гараджан чыстай і якаснай вадой.
Што тычыцца астатніх населеных пунктаў, то да 2025 года ў раёне плануецца поўнасцю вырашыць праблему павышанага ўзроўню жалеза ў вадзе. Пра тое, колькі станцый будзе пабудавана, гаварыць пакуль рана: раней ішла гаворка аб стварэнні 26 аб'ектаў, аднак цяпер падыход да іх падліку змяніўся. У прыватнасці, вёскі вакол Маладзечна плануецца закальцаваць ў гарадскую вадаправодную сетку, такі ж варыянт разглядаецца ў дачыненні да вёсак вакол Радашковічаў.
