Спецыялісты дашкольнай адукацыі з усёй краіны збяруцца на базе Акадэміі паслядыпломнай адукацыі, каб ацаніць вынікі рэалізацыі экалагічнай праграмы "Зялёныя школы" ў Беларусі, абмяняцца вопытам і напрацоўкамі. Праграма з'яўляецца важным кампанентам праекта "Экаманiторынг", што фінансуецца Еўрапейскім саюзам і рэалізуецца ПРААН у партнёрстве з Міністэрствам прыродных рэсурсаў і аховы навакольнага асяроддзя.
"Мы чакаем да 70 удзельнікаў і мноства цікавых тэм, паколькі ў дашкольнай адукацыі зялёны кірунак мае свае асаблівасці. Акрамя асноўных тэндэнцый развіцця экалагічнай адукацыі ў дашкольных установах, мы абмяркуем тэхналагічныя аспекты рэалізацыі праекта, метады і формы работы з дзецьмі і бацькамі, узаемадзеянне ВНУ і дзіцячых садоў ў гэтых пытаннях ", - патлумачыла спадарыня Вінчэўская.
Праца ў групах будзе праходзіць на базе ясляў-сада №137 Мінска і Рэспубліканскага цэнтра экалогіі і краязнаўства.
Праект "Экаманiторынг" накіраваны на эфектыўнае і інклюзіўнае кіраванне навакольным асяроддзем на мясцовым узроўні, маніторынг экалагічных рызык, абмен адпаведнай інфармацыяй, у прыватнасці, у галіне атмасфернага паветра. Еўрапейскі саюз вылучае за 3,5 млн еўра на яго фінансаванне.
