Тут нарыхтоўку кармавой базы пачалі тры гаспадаркі. Неабходна апрацаваць 11 тыс. гектараў.
На жаль, з-за надвор'я ўраджайнасць пакуль не вельмі высокая. Але сама зялёная маса якасная. Напрыклад, у адной з гаспадарак Смалявіцкага раёна ўжо нарыхтавана амаль паўтары тысячы тон сенажу. Плануюць нарыхтаваць да 40 тыс. тон.
- Для гэтага ў нас усё ёсць. Траў у нас 3 300 гектараў. З іх 1 340 гектараў райграс аднагадовых. Гэта культура інтэнсіўнага росту, шматукосная. Бывалі гады, нават калі мы да 5 укосаў здымалі з гэтай культуры. 350 гектараў у нас люцэрны. Ну, астатнія злакавыя травы ў сумесях. Таму аб'ёмаў хапае, працы хапае. Тэрміны, на мой погляд, падышлі - трэба займацца, - распавёў Міхаіл Сімановіч, намеснік дырэктара сельскагаспадарчага філіяла "Смалявічы Дэйрыз" ААТ "Смалявічы Бройлер".
Дарэчы, масавы ўкос травы ў вобласці пачнецца праз некалькі дзён. Пад зялёныя кармы адведзена больш за 250 тыс. гектараў.
