У абласным этапе акцыі ўдзельнічалі 22 раённых (Жодзінская гарадская) піянерскіх арганізацый, усяго — каля 47,5 тысяч рабят. Сэнс акцыі - у добраахвотнай сумеснай працы ў вольны час, якая накіравана на паляпшэнне навакольнага асяроддзя.
- Сучасныя піянеры працягваюць цімураўскі рух сваіх папярэднікаў. На працягу многіх гадоў мы праводзілі праект "Наш піянерскі труд табе, Айчына!", які заключаўся ў зборы макулатуры і іншых добрых справах. Але потым мы перафарматавалі акцыю і назвалі яе "Зробім свет чысцей!". Яе мэта - заклікаць рабят больш беражліва ставіцца да другасных рэсурсаў і прытрымлівацца трэндаў экалогіі, - распавяла старшыня Цэнтральнага савета БРПА Аляксандра Ганчарова. - На працягу года нашы дружыны, у тым ліку з Мінскай вобласці, ладзілі розныя акцыі па зборы другаснай сыравіны - макулатуры, пластыкавых бутэлек і накрывак. Затым яны здавалі іх у пункты другаснай сыравіны, а атрыманыя сродкі пералічвалі на спецыяльны рахунак Цэнтральнага савета. Выйграла тая вобласць, якая зарабіла больш за ўсіх сваёй працай.
Пераможцаў і прызёраў узнагародзяць 13 верасня - у дзень нараджэння піянерскай арганізацыі, якой сёлета споўніцца 30 гадоў.
