Бярэзінскі раённы выканаўчы камітэт

Тут для дзяцей з ДУА «Дашкольны цэнтр развіцця дзіцяці «Крынічка» правялі сюжэтна-ралевую гульню «Патэлефануй 101». Цётачка Усёзнайка і кошка Муся падрабязна распавялі дзецям аб прычынах ўзнікнення пажару і пра тое, якія страшныя наступствы могуць узнікнуць, калі дзеці возьмуць у рукі запалкі. Яны распавялі хлопцам, як правільна сябе паводзіць дома, нагадалі аб асноўных правілах бяспекі, якія неабходна памятаць, каб пазбегнуць бяды. Затым інспектар МНС Вольга Мікалаеўна Данейка правяла шэраг заняткаў па пажарнай бяспецы. Дзеці вырашалі праблемныя сітуацыі, гулялі ў гульню «Я - пажарны». Прыемныя і пазітыўныя эмоцыі атрымалі дзеці ад прагляду спектакля «Злая запалка» ўзорнага лялечнага тэатра «Сюрпрыз» Бярэзінскага РЦК.