Не адзінкавы выпадак, калі ў адным ДТЗ атрымлівалі цялесныя пашкоджанні адразу два-тры дзіцяці, з'яўляючыся пасажырамі. Дарослыя былі побач, але яны не прышпілілі дзяцей утрымліваючымі прыладамі і падвергнулі іх бессэнсоўнай небяспецы з-за сваёй самаўпэўненасці і перакананні, што з імі непрыемнасцяў на дарозе ніколі не здарыцца.
Аналіз аператыўнай абстаноўкі ў сферы забеспячэння дарожнай бяспекі на тэрыторыі Мінскай вобласці з пачатку г.г. паказвае на шэраг праблемных пытанняў, у прыватнасці - дзіцячага дарожна-транспартнага траўматызму.
Пры гэтым на цяжар наступстваў дарожна-транспартных здарэнняў уплывае тая акалічнасць, што шэраг дарослых удзельнікаў дарожнага руху пры перавозцы дзяцей усё ж грэбуюць выкарыстаннем пасіўных сродкаў бяспекі (аўтакрэсел, бустэраў, спецыяльных падушак), альбо перавозяць малалетніх дзяцей у дзіцячых утрымліваючых прыладах, не прыфастрыгоўваючы іх рамянямі бяспекі.
Фірмы-вытворцы аўтамабіляў, абсталяваных падушкамі бяспекі, сцвярджаюць, што названыя прылады эфектыўны толькі пры выкарыстанні вадзіцелямі і пасажырамі рамянёў бяспекі.
Многія кіроўцы аўтатранспарту скардзяцца на тое, што, прышпіліўшыся, за рулём адчуваюць сябе некамфортна і гэта замінае ім кіраваць аўтамабілем. Але ёсць і тыя, якія наадварот, не прышпіліўшыся, адчуваюць дыскамфорт і неабароненасць. Людзі, якія задумваюцца аб сваёй бяспецы, пачынаюць няўхільна выконваць патрабаванні Правіл дарожнага руху. І калі гэта ўваходзіць у норму, іх дзеянні даходзяць да аўтаматызму. Часам, калі вадзіцель не прышпілены, і, патрапіўшы нават у нязначнае ДТЗ, у аўтамабіля ў выніку няма сур'ёзных пашкоджанняў, а вось кіроўца ці пасажыры атрымліваюць цяжкія траўмы.
ДАІ нагадвае, што за парушэнне правілаў перавозкі дзяцей у адпаведнасці з ч.5 ст.18.14 КоАП Рэспублікі Беларусь у дачыненні да вадзіцеля накладаецца адміністрацыйнае спагнанне ў выглядзе папярэджання або штрафу ў памеры да 4 БВ.
Згодна з п.178 ПДР «Перавозка дзяцей у легкавым аўтамабілі, абсталяваным рамянямі бяспекі, павінна ажыццяўляцца з выкарыстаннем:
дзіцячых утрымліваючых прылад, якія адпавядаюць вазе і росту дзіцяці, - ва ўзросце да пяці гадоў;
дзіцячых утрымліваючых прылад, якія адпавядаюць вазе і росту дзіцяці, іншых сродкаў (бустэраў, спецыяльных падушак для сядзення, дадатковых сядзенняў), якія дазваляюць бяспечна прышпіліць дзіця з дапамогай рамянёў бяспекі, прадугледжаных канструкцыяй транспартнага сродку, - ва ўзросце ад пяці да дванаццаці гадоў.
Дапускаецца перавозіць дзяцей ва ўзросце да дванаццаці гадоў без выкарыстання названых у частцы першай гэтага пункта прылад у выпадку, калі рост дзіцяці перавышае 150 сантыметраў, а таксама ў аўтамабілі-таксі.
Забараняецца перавозка дзяцей на пярэднім сядзенні легкавога аўтамабіля з выкарыстаннем дзіцячых утрымліваючых прылад, якія адпавядаюць вазе і росту дзіцяці, спінка якіх разгорнута да лабавога шкла транспартнага сродку, калі пярэдняе сядзенне мае падушку бяспекі, за выключэннем выпадку, калі механізм франтальнай падушкі бяспекі адключаны».
У мэтах прафілактыкі дарожна-транспартных здарэнняў, недапушчэння фактаў парушэнняў правілаў перавозкі пасажыраў, у тым ліку і непаўналетніх, а таксама прапаганды выкарыстання рамянёў бяспекі і дзіцячых утрымліваючых прылад, з 18 па 21 верасня 2020 года Дзяржаўтаінспекцыя праводзіць рэспубліканскую прафілактычную акцыю пад дэвізам: «Прышпіліце дзяцей!».
Дапускаецца выкарыстанне не толькі так званых «дзіцячых крэслаў», але і іншых прылад, якія дазваляюць бяспечна прышпіліць дзіця з дапамогай штатных рамянёў бяспекі.
Паважаныя вадзіцелі! Паклапаціцеся загадзя пра сваiх пасажыраў. Перавозіце дзяцей толькі ў спецыяльных утрымліваючых прыладах, прасачыце за тым, каб усе пасажыры былі прышпілены рамянямі бяспекі. Не забывайце самі прышпільвацца. Памятаеце, гэта дапаможа захаваць сабе і іншым жыццё і здароўе!
Дзяржаўтаінспекцыя Бярэзінскага раёна