Бярэзінскі раённы выканаўчы камітэт

Міністр замежных спраў Беларусі Уладзімір Макей і міністр замежных спраў Арменіі Заграб Мнацаканян правялі тэлефонную размову, абмеркаваўшы шырокі спектр пытанняў двухбаковага супрацоўніцтва, у тым ліку ўзаемадзеянне ў рамках міжнародных арганізацый і інтэграцыйных утварэнняў. Аб гэтым БЕЛТА паведамілі ў прэс-службе МЗС Беларусі.

Прадпрыемствы "Беллегпрама" ў першым квартале 2020 года экспартавалі 58,3 працэнта прадукцыі, паведамілі карэспандэнту БЕЛТА ў прэс-службе канцэрна.

У Беларусі будуць паступова знімаць забароны на наведванне лясоў, паведамілі карэспандэнту БЕЛТА ў прэс-службе Міністэрства лясной гаспадаркі.

Першае пасяджэнне рабочай групы па абмеркаванні праблемных пытанняў і выпрацоўцы мер для стабільнай работы прадпрыемстваў і прамысловага комплексу адбылося ў Міністэрстве эканомікі 30 красавіка, паведамілі БЕЛТА ў прэс-службе Мінэканомікі.

Беларусь плануе ў 2020 годзе атрымаць больш за 8 млн т збожжа, паведамілі карэспандэнту БЕЛТА ў прэс-службе Міністэрства сельскай гаспадаркі і харчавання.

Беларусь прыцягне ў 2020-2021 гадах пазыку Міжнароднага банка рэканструкцыі і развіцця ў памеры 90 млн еўра тэрмінам на 11 гадоў для фінансавання мерапрыемстваў па экстранным рэагаванні на эпідэміялагічную сітуацыю. Гэта прадугледжана пастановай Савета Міністраў ад 23 красавіка 2020 года нумар 249, якая афіцыйна апублікавана сёння на Нацыянальным прававым інтэрнэт-партале, паведамляе БЕЛТА.

У Беларусі, паводле даных на 23 красавіка, забарона на наведванне лесу дзейнічае ў 74 раёнах. Такая інфармацыя размешчана на інтэрактыўнай карце забарон і абмежаванняў на наведванне лесу Міністэрства лясной гаспадаркі, паведамляе БЕЛТА.

Беларусь плануе спрасціць парадак атрымання грамадзянства. Ільготныя ўмовы могуць быць прадастаўлены іншаземцам, якія атрымліваюць у краіне прафесійную адукацыю. Гэта прадугледжана папраўкамі ў закон аб грамадзянстве Рэспублікі Беларусь, паведаміла карэспандэнту БЕЛТА член Пастаяннай камісіі па правах чалавека, нацыянальных адносінах і СМІ Палаты прадстаўнікоў Марыя Васілевіч.

Міністэрства сельскай гаспадаркі і харчавання пры актыўным садзейнічанні пасольства Беларусі ў В'етнаме завяршыла працэс сертыфікацыі вытворцаў малака і малочнай прадукцыі ў В'етнаме, паведамілі БЕЛТА ў прэс-службе Мінсельгасхарча.

У Беларусі ў I квартале 2020 года ўведзена ў эксплуатацыю 956,4 тыс. кв.м жылля. Гэта на 9,7 працэнта больш, чым за аналагічны перыяд мінулага года, паведамляе БЕЛТА са спасылкай на даныя Нацыянальнага статыстычнага камітэта.