Намеснік гендырэктара СГА адзначыў, што перамовы беларускага боку ў цэлым, афіцыйныя сустрэчы ў час цяперашняга візіту ў Мінск адлюстроўваюць вялікую зацікаўленасць Беларусі ў далучэнні да Сусветнай гандлёвай арганізацыі.
Ён таксама растлумачыў сваё рашэнне сустрэцца са студэнтамі факультэта міжнародных адносін: "Тут вучыцца будучая эліта, магчыма, у перспектыве лідэры краіны, якія павінны дакладна разумець перавагі сяброўства краіны ў арганізацыі".
Падчас лекцыі Алан Вулф звярнуў увагу слухачоў на тое, што далучэнне да арганізацыі няпросты працэс, безумоўна, ён займае немалы прамежак часу. У якасці прыкладу Алан Вулф прывёў Кітай, які ў свой час перад далучэннем змяніў каля 10 тыс. розных рэгламентаў і правілаў. У ліку пераваг Беларусі намеснік гендырэктара назваў сяброўства краіны ў ЕАЭС.
Алан Вулф выказаў заклапочанасць сітуацыяй у сусветным гандлі. "Цяпер невядома, ідзе гандлёвая вайна ці не, але для бізнесу вельмі шмат нявызначанасці, - адзначыў ён. - Страхі гандлёвай вайны ўжо цяпер адбіваюцца на цэнах, у тым ліку актывах сусветных кампаній". Менавіта таму падтрыманне міжнароднай гандлёвай сістэмы - адна з найважнейшых мэтаў СГА.
Закрануў ён і перспектыў глабальнага ўкаранення штучнага інтэлекту. "Штучны інтэлект прыходзіць, але мы не ведаем, як ён будзе прымяняцца ва ўсіх відах дзейнасці. Але цалкам відавочна, што штучны інтэлект кардынальным чынам зменіць свет і наша жыццё", - сказаў Алан Вулф. СГА, безумоўна, рэагуе на новыя выклікі, дадаў ён.
Гэта першы ў гісторыі візіт у Беларусь прадстаўніка СГА высокага ўзроўню. Адбыліся сустрэчы ва ўрадзе, міністэрствах замежных спраў, эканомікі, антыманапольнага рэгулявання і гандлю, сельскай гаспадаркі і харчавання