Кампанія маладых людзей адзначала Купалле ля ракі непадалек ад аграгарадку Мікулічы. Па неасцярожнасці адзін з маладых людзей ледзь не ўпаў у касцер, яго паспеў адштурхнуць мясцовы фельчар, мужчына 1997 года нараджэння. Але, ратуючы сябра, сам не ўтрымаўся і папаў у агонь. Вынік – апекі 9-ці працэнтаў цела, больш пацярпелі ніжнія канечнасці. Малады доктар сам апрацаваў рану і выклікаў “хуткую дапамогу”. Зараз ён шпіталізаваны ў хірургічнае аддзяленне УЗ “Бярэзінская цэнтральная раённая бальніца”.
Ратавальнікі нагадваюць: агонь і вада – не тыя стыхіі, з якімі варта жартаваць ці пераменьшваць іх небяспеку. Будзьце акуратныя пры распальванні волгнішчаў, кантралюйце дзеянні людзей, што адпачываюць разам з вамі. Ужыванне спіртных напояў можа стаць фактарам, што прывядзе да траўмы ці гібелі. Папярэдзіць няшчасце – у вашых сілах: выратуе толькі асабістая абачлівасць і асцярожнасць.
Вольга Данэйка, інспектар прапаганды Бярэзінскага РАНС