Адрес:
223311, Минская обл.,
г.Березино, ул. Октябрьская, 18
Телефон:+375 (1715) 5-58-41

 

Четверг, 08 ноября 2018 года, 13:15

Бярэзінскаму клубу юных пажарных – 22 гады!

Источник  Соб. Инф.
Бярэзінскаму клубу юных пажарных – 22 гады!

22 гады ў памяшканні Бярэзінскага райаддзела па надзвычайных сітуацыях штодня чуюцца дзіцячыя галасы. Амаль штодня юнакі і дзяўчаты займаюцца тут пажарным спортам, вучацца імгненна апранаць баявой адзенне ратавальнікаў і – самае важнае – запамінаюць правілы ўласнай бяспекі.

 І ўсе гэтыя гады з вялізнай цікавасцю і захапленнем у вачах дзеці глядзяць, як прафесійныя ратавальнікі выязджаюць на пажары. Калі вы не здагадаліся, то размова ідзе пра работу клуба юных выратавальнікаў-пажарных “Сірэна”. Створаны на базе Центра дзіцячай творчасці, месцам для заняткаў клуб абраў пажарную часць Беразіно. А 4 лістапада ён адзначыў сваё 22-годдзе!

Для правядзення дня нараджэння “Сірэны” свае дзверы расчыніў раённы адукацыйны цэнтр бяспекі, што парцуе ў Цэнтра дзіцячай творчасці Бярэзінскага раёна. Тут сабраліся актывісты клуба і іх малодшыя сябры – пяцікласнікі, што нядаўна прыйшлі ў “Сірэну”. Менавіта яны і сталі галоўнымі “персанажамі” свята: дзяцей урачыста прынялі ў члены Беларускай маладзежнай грамадскай  арганізацыі ратавальнікаў-пажарных, уручылі іх першы дарослы дакумент – пасведчанне аб членстве ў арганізацыі. Былы актывіст клуба, а зараз прафесійны ратавальнік Мікіта Халюкоў сказаў многа цеплых слоў пра нязменнага кіраўніка “Сірэны” – Ірыну Рыгораўну Осіпаву. Дзякуючы яе энергічнасці, творчаму запалу і неабыякавасці клуб існуе столькі гадоў і штогод папаўняецца новымі ўдзельнікамі. Дарэчы, “Сірэну” выдатна ведаюць і за межамі нашага раёна: штогод дзеці добра сябе паказваюць  на спартыўных спаборніцтвах, у творчых конкурсах, што праводзіць Міністэрства па надзвычайных сітуацыях. Актывісты клуба віталі ўсіх вяселай песняй, а адзін з юных удзельнікаў свята Ілля Данэйка спеў пра нялегкую прафесію ратавальніка.

 Не абышлося свята і без жартаўлівых конкурсаў, салодкіх падарункаў і навучальнай праграмы. Дзецям нагадалі, як трэба тэлефанаваць у службу ратавання, чым можна патушыць агонь і як правільна аказваць першую медыцынскую дапамогу чалавеку – непрамы масаж сэрца і штучнае  дыханне.

Вольга Данэйка, інспектар прапаганды Бярэзінскага РАНС

Прочитано 38 раз (а)

Галерея изображений

Просмотреть встроенную фотогалерею в Интернете по адресу:
http://berezino.minsk-region.gov.by/ru/novosti/novosti-rajona/item/4858-byarezinskamu-klubu-yunyh-pazharnyh-%E2%80%93-22-gady.html#sigProGalleriaafef991ebd